Beyləqan. Trend:
Beyləqan rayonu ərazisində iki minik maşını və yük avtomobilinintoqquşması ilə nəticələnən yol-nəqliyyat hadisəsi baş verib.
Trend-in bölgəmüxbiri xəbər verir ki, hadisə saat 11 radələrindəHacıqabul-Bəhrəmtəpə-Mincivan avtomobil yolunun 124-cükilometrliyində, Beyləqan rayonu ərazisində qeydə alınıb.
"Opel" və "VAZ-2107" markalı minik maşınları toqquşub, idarəetmədən çıxan "VAZ-2107" "Mercedes Atego" markalı yük maşınınaçırpılıb. Xəsarət alan iki nəfər - Çavuş Göçər Yunus və MircəlalMiri oğlu Həbibov Beyləqan Rayon Mərkəzi Xəstəxanasınayerləşdiriliblər.
Faktla bağlı araşdırma aparılır.
