Kriştiano Ronaldunun Səudiyyə Ərəbistanının “Əl-Nəsr” klubu ilə yeni bir illik müqavilə imzalamağa hazırlaşdığı və bu müqavilədən əldə edəcəyi gəlir hər kəsi təəccübləndirib.
Musavat.com Türkiyə mətbuatına istinadla xəbər verir ki, yeni müqavilə hesabına Ronaldunun gündəlik qazancı 543 min funt-sterlinq (təxminən 23.5 milyon manat) olacaq.
Bununla yanaşı, Kriştiano Ronaldu gündə 8 saat yatdığını bildirib və hətta yuxuda olduğu müddətdə onun hesabına 181 min funt-sterlinq (təxminən 7.85 milyon manat) köçürüləcək.
Təxminən 2 il əvvəl “Əl-Nəsr” klubu ilə müqavilə bağlayan ulduz futbolçu hazırda illik 200 milyon avro kimi astronomik bir məbləğ qazanır.
Digər tərəfdən, “Sky Sport” Kriştiano Ronaldunun yeni müqaviləsindən alacağı qonorarın detallarına toxunub. Xəbərə görə, Ronaldu hər il futbol fəaliyyətindən 148 milyon funt-sterlinq, qeyri-futbol fəaliyyətindən isə 49 milyon funt-sterlinq qazanacaq.
Portuqaliyalı ulduzun həftəlik qazancı 3.8 milyon funt-sterlinq (təxminən 165 milyon manat) təşkil edəcək.
Hər dəqiqədə isə Ronaldunun hesabına 377 funt-sterlinq (təxminən 16 min 350 manat) köçürüləcək.
Musavat.com
