Ukrayna prezidenti Vladimir Zelenski Şimali Koreyanın Kursk bölgəsinə göndərdiyi qoşunların üçdə birinin artıq öldürüldüyünü və ya yaralandığını bildirib.
Hafta.az-ın “UNİAN”a istinadla verdiyi xəbərdə bildirilir ki, həmçinin Estoniya Müdafiə Qüvvələrinin Kəşfiyyat Mərkəzinin rəhbəri polkovnik Ants Kiviselq belə informasiyaları təsdiqləyib.
"Eyni zamanda, bu, Şimali Koreya qoşunlarının "ciddi döyüşçülər" olmadığına dəlalət etmir", - ukraynalı hərbçi Vladimir Demçenko belə deyir. Onun sözlərinə görə, onlar "qüsursuz atıcılıq hazırlığına malikdirlər",- deyə "Forbes" yazır.
Nəşr xatırladır ki, Şimali Koreya əsgərləri dekabr ayında Kurskda ilk hücumlarına başlayıb, Ukrayna mövqelərini atəşə tutmaq üçün qarla örtülmüş tarlalardan keçiblər. Ukrayna minalarından, artilleriyasından və pilotsuz təyyarələrdən məruz qaldıqları ağır itkilərə baxmayaraq, Şimali Koreya qoşunları hücumlarını davam etdirib.
"Əsasən zirehli dəstək olmadan piyadaların hücumları unikal Şimali Koreya fenomeni deyil. Ukrayna pilotsuz təyyarələri daim hər yerdədir və bu, Rusiya və Şimali Koreya texnikasının müdafiəni yarmasını faktiki olaraq qeyri-mümkün edir.
Bir rusiyalı blogerin sözlərinə görə, tanklar "sadəcə hücum xəttinə çata bilmirlər". Onlar kilometrlərlə uzaqlıqdakı dronlardan vurulur”, - "Forbes" əlavə edir.
Öz növbəsində, döyüşlərin ən ağır yükünü piyadalar çəkir. Xüsusilə, Kursk vilayətində ilk hücum zamanı 200-dən çox şimali koreyalı öldürülüb və ya yaralanıb.
"Bu ayın əvvəlində baş vermiş uğursuz hücum 400 rus itkisi ilə nəticələnə bilərdi. Yanvarın ortalarına qədər Şimali Koreyanın 11-ci Ordu Korpusunda olan 12 000 əsgərdən 3800-ü öldürülüb, yaralanıb və ya daha az ehtimalla əsir götürülüb", - ekspertlər təhlil ediblər.
Eyni zamanda, Zelenski qeyd edib ki, Ukrayna əsgərləri tərəfindən əsir götürülən KXDR əsgərlərinin sayının az olması Rusiya-Şimali Koreya birləşmiş ordusunun amansızlığını göstərir.
"Rusiya qoşunları və digər Şimali Koreya hərbçiləri Şimali Koreyanın Ukraynaya qarşı müharibədə iştirakına dair hər hansı sübutu silmək üçün müntəzəm olaraq öz yaralılarını edam edirlər", - dövlət başçısı bildirib.
Demçenko həmçinin qeyd edib ki, yaralı şimali koreyalılar bəzən birbaşa döyüş meydanında özlərini öldürürlər.
“Bunlar yaralananda bir sxem üzrə hərəkət edən son dərəcə sərtləşmiş tiplərdir: "halqanı çəkin, qumbaranı başına qoyun və gecəniz xeyrə qalsın”, - deyə əsgər əlavə edib.
Bununla belə, Şimali Koreyanın itkiləri yaxşı atıcılıq təlimi olmasaydı, daha çox ola bilərdi. "Forbes" vurğulayır ki, zəif təlim keçmiş rus işğalçıları ilə müqayisədə KXDR piyadası illərlə müharibəyə hazırlaşır.
"Bunu onlar tərəfindən məhv edilən kiçik dronların statistikası sübut edir", - Demçenko qeyd edib.
Nəşr belə qənaətə gəlib ki, KXDR-in üçdə bir hissəsi tükənmiş 11-ci Ordu Korpusunun gücləndirilməsinə ehtiyac ola bilər:
"Pxenyanın daha çox qoşun yerləşdirməyi öhdəsinə götürüb-götürmədiyi aydın deyil. Lakin Şimali Koreya rejimi, şübhəsiz ki, bunu etmək niyyətindədir. Xəbərlərə görə, Moskva əlavə canlı qüvvə müqabilində əsas hərbi texnologiyalarla alver edir".
