İspaniyanın Real Madrid Basketbol Komandası amerikalı mühafizəçi Dennis Smit Jr-ı heyətinə qatıb.
"Real Madrid" Klubu, 27 yaşlı oyunçu ilə mövsümün sonuna qədər müqavilə imzalayıb.
"Operativ Media" xəbər verir ki, bu haqda klubun mətbuat xidməti məlumat yayıb.
Dennis Smith Jr, 2017-ci ildə Amerika Basketbol Liqası (NBA) komandası "Dallas Mavericks"də ilk oyununa çıxıb. Dennis NBA-da "Mavericks"lə yanaşı "New York Knicks", "Detroit Pistons", "Portland Trail Blazers", "Charlotte Hornets" və ən son "Brooklyn Nets" forması geyinmişdir.
İlk dəfə Avropada çıxış edəcək 1,91 metr boyundakı Dennis Smith Jr, NBA-da çıxdığı 326 oyunda 9,7 xal, 3 ribaund, 4,2 asist və 1,2 top oğurlama göstəriciləri əldə etmişdir.
