“Qarabağ”ın sevilən futbolçusu Olavio Juninyo karyerasını vətənində davam etdirəcək.
Braziliyalı hücumçu uzun sürən danışıqlardan sonra tibbi müayinədən keçmək və müqavilə bağlamaq üçün “Flamenqo”nun düşərgəsinə yollanıb.
Futbolçu ayrılığı ilə bağlı sosial şəbəkə hesablarında heç nə paylaşmayıb susmağı üstün tutur ki, indiki vəziyyətdə bu, anlaşılandır.
Əvəzində, həyat yoldaşı Azərbaycanda keçirdikləri ilyarımı əhatə edən şəkil toplusundan video hazırlayıb, şərh bölməsinə həm Azərbaycan, həm də özünə doğma olan dildə ürək sözlərini yazıb:
“Bizi xoş qarşıladığınız və günlərimizi xoşbəxt etdiyiniz üçün təşəkkür edirik. Gözəl hekayə idi. Biz sizə sonsuz minnətdarıq!
Sən inanılmazsan, sənə dünyadakı bütün uğurları arzulayıram, “Qarabağ”!
Paylaşıma münasibət bildirən Azərbaycanda top qovan braziliyalı futbolçular və onların xanımları Juninyonun ailəsi üçün darıxacaqlarını gizlətməyiblər.
HƏBİB / SPORTİNFO.AZ
