“Bizim regionda çox nümunəvi əlaqələrimiz var”.
APA xəbər verir ki, bunu Gürcüstanın xarici işlər naziri Maka Boçorişvili Azərbaycan xarici işlər naziri Ceyhun Bayramov ilə birgə mətbuat konfransında deyib.
Nazir bildirib ki, bizim daha böyük imkanlarımız və potensialımız var: “Azərbaycan Gürcüstan üçün ən böyük 5 iqtisadi tərəfdaşı arasında yer tutur. Gürcüstan-Azərbaycan arasında mühüm layihələrin icrası haqqında da müzakirələr apardıq. Bu nəinki bizim ölkələrimiz region üçün böyük layihələrdir. Bu layihələrin əsasında daha böyük strateji layihələr icra edə bilərik. Eelktrik kabelləri ilə bağlı layihə həm Gürcüstan, həm Azərbaycan üçün çox mühüm layihədir. Bizim müxtəlif formatlarda əməkdaşlığımız çox vacibdir. Ümid edirəm ki, yaxın vaxtlarda Türkiyə-Azərbaycan-Gürcüstan XİN rəhbərlərinin görüşü baş tutacaq. Biz əlaqələri daha da dərinləşdirəcəyik”.
