“Barselona” yenidənqurma işləri aparılan, “blauqrana”nın doğma stadionu “Kamp Nou”da VIP oturacaqların satışını elan edib.
Arena.az bu barədə Kataloniya klubunun rəsmi saytına istinadən məlumat verir:
“Barselona”, son aylarda klubun üzərində işlədiyi və nəticədə İspaniya La Liqasının maliyyə ədaləti qaydalarına qayıtmaq üçün əsas olan əməliyyat çərçivəsində “Kamp Nou”da VIP yerlərin satışını elan edir. Klub Yaxın Şərqdən iki ayrı sərmayədarla 475 yerlik müqavilə bağlayıb. Etibarlılıq müddəti: 30 il. Bu müqavilələr üçün müvafiq sənədlər 2024-cü il dekabr ayının 31-də gecə yarısına qədər İspaniya La Liqasına ötürülüb”, – klubun rəsmi bəyanatında deyilir.
Cari mövsümdə keçirdiyi 19 oyunda 38 xal toplamış “Barsa” İspaniya La Liqasının yarış cədvəlinin 3-cü pilləsində qərarlaşıb.
