Müqavilənin yekun parametrləri razılaşdırılmayana qədər İsrail Qəzza razılaşması ilə bağlı heç bir açıqlama verməyəcək. AFN.az xarici mediaya istinadən xəbər verir ki, bu barədə İsrail hökumətinin rəsmi nümayəndəsi David Menser bildirib.“İsrail Doha danışıqlarının uğuru və müvafiq olaraq İsrail Nazirlər Kabinetinin sövdələşmənin təsdiqi üçün iclası ilə bağlı bizdə razılaşmanın yekun mətni olana qədər heç bir rəsmi açıqlama verməyəcək”, - deyə o bildirib.David Menserin sözlərinə görə, hazırda razılaşmanın təfərrüatları dəqiqləşdirilməyib. İsrailin Dohadakı danışıqlar qrupu həllə nail olmaq üçün səylərini davam etdirir.O, əlavə edib ki, İsrail hökuməti girovları evlərinə qaytarmaq istədiyi üçün razılaşmaq niyyətindədir: "Ümid edirik ki, sövdələşmənin təfərrüatları razılaşdırıla bilər. İsrail Doha danışıqlarının müvəffəqiyyəti ilə bağlı heç bir rəsmi açıqlama verməyəcək".
