İtaliya A Seriyasında dekabr ayının ən yaxşı baş məşqçisi müəyyənləşib.
Fanat.Az xəbər verir ki, məlumatı çempionatın mətbuat xidməti yayıb.
“İnter”in baş məşqçisi Simone İnzaqi bütün həmkarlarını qabaqlayıb.
Onun komandası keçən ay A Seriyasında keçirdiyi dörd oyunun hamısında, ümumi top sayı 14:1 olmaqla qalib gəlib.
Ötən gün İtaliya çempionatının 19-cu turunun təxirə salınmış oyununda doğma meydanda "Bolonya" ilə 2:2 hesablı heç-heçə edən "İnter" hazırda "Napoli"dən 3 xal geri qalaraq turnir cədvəlinin ikinci pilləsində qərarlaşıb.
