"Xaricə getmək elə də asan deyil".
Bu sözləri Sportinfo.az-a açıqlamasında "Sumqayıt"ın müdafiəçisi Sərtan Taşkın dilə gətirib.
Xəbər verdiyimiz kimi, AFFA İcraiyyə Komitəsinin qarşıdakı iclasında legioner limitinin ləğv edilməsi müzakirə olunacaq.
Bəzi fikirlər var ki, məhz limitin ləğvindən sonra yerli futbolçular legioner həyatı yaşamağa can atacaqlar.
Ötən mövsüm Türkiyədə legioner həyatı yaşamış 27 yaşlı arxa xətt oyunçusu bunun çıxış yolu olmadığını qeyd edib:
"Mən də həmin fikirlərlə tanışam. Amma bu sözü deyənlər fikirləşmirlər ki, biz Avropa birliyinə daxil olan ölkə deyilik. Gürcüstanı misal çəkənlər var. Axı onlarda belə bir maneə yoxdur.
Düşünürəm ki, limitin ləğv edilməsindən sonra yerli futbolçulara çətin olacaq.
Pulu olan komandalar legionerlər gətirəcək. Ortada uçurum yaranacaq.
İndi olduğu kimi, onda da büdcəsi aşağı olan klublar əziyyət çəkəcək".
XANOĞLAN
