Monqolustan Prezidenti Xurelsux Uxnaa ölkəsinin 21 ildən sonra ilk rəsmi səfərini Türkiyəyə edib.
APA xəbər verir ki, Türkiyə prezidenti Rəcəb Tayyib Ərdoğan Xurelsux və rəhbərlik etdiyi nümayəndə heyətini prezident sarayında keçirilən rəsmi mərasimlə qarşılayıb.
Ərdoğanın monqolustanlı həmkarı ilə apardığı danışıqlardan sonra iki ölkə arasında əməkdaşlığı gücləndirəcək 11 müqavilə imzalanıb.
İki ölkə arasında strateji tərəfdaşlığın yaradılması, radio-televiziya, rəqabət siyasəti, nəqliyyat, səhiyyə, təhsil, gənclər və idman, mədən sənayesi, ətraf mühit və meşə təsərrüfatı sahələrində sazişlər imzalanıb.
