Sumqayıtda minik avtomobilləri toqquşub, ölənlər var.
Modern.az "Report"a istinadən xəbər verir ki, hadisə Sülh küçəsində qeydə alınıb.
"Hyundai" və "KİA" markalı minik avtomobillərinin toqquşması nəticəsində iki nəfər ölüb, üç nəfər xəsarət alıb.
Ölənlərin və xəsarət alanların şəxsiyyəti müəyyənləşdirilir.
Sumqayıt Tibb Mərkəzindən bildirilib ki, baş verən yol-nəqliyyat hadisəsi ilə bağlı Mərkəzin Təcili Tibbi Yardım Xəstəxanasına 16.01.2025-ci il tarixində saat 20:40 radələrində 3 nəfər (kişi cinsli) hospitalizasiya olunub.
Onlardan 1 nəfər Reanimasiya şöbəsinə yerləşdirilib, vəziyyəti ağırdır.
Digər 2 nəfərə isə Təcili yardım şöbəsində zəruri tibbi yardımlar göstərilir, vəziyyətləri orta ağırdır.
