Abşeron-Xızı Regional Təhsil İdarəsinin tabeliyində fəaliyyət göstərən təhsil müəssisələrindən 1697 şagird Respublika Fənn Olimpiadasının Yarımfinalına yüksəlib.
Bu barədə Yenilik.az-a Abşeron-Xızı Regional Təhsil İdarəsindən verilən məlumata görə, Respublika fənn olimpiadalarının rayon (şəhər) mərhələsində iştirak edən 5809 şagirddən 1697 nəfəri yarımfinal mərhələsində iştirak etmək hüququ əldə edib. RFO-nun Yarımfinal mərhələsində iştirak hüququ qazananların 1087 nəfəri Sumqayıt şəhərinin, 578 nəfəri Abşeron rayonunun, 32 nəfəri isə Xızı rayonunun məktəblərinin şagirdləridir.
