Gürcüstanlı yarımmüdafiəçi Xviça Kvaratsxeliya İtaliyanın "Napoli" futbol klubu ilə vidalaşıb.
hakimiyyet.az xəbər verir ki, futbolçu müvafiq videonu "Instagram" səhifəsində yayımlayıb.
"Çətindir, amma vidalaşmağın vaxtıdır. Mən burada əla vaxt keçirdim və inanılmaz emosiyalar yaşadım", - Kvaratsxeliya deyib.
Məlumata görə, Kvaratsxeliya yanvarın 17-də Fransanın PSJ klubu ilə müqavilə imzalayacaq.
Qeyd edək ki, yarımmüdafiəçinin 23 yaşı var, o, 2022-ci ildən "Napoli"də çıxış edib, 2023-cü ildə komandanın tərkibində İtaliya çempionu olub. Bu mövsüm gürcü futbolçu klubda 19 oyun keçirib, 5 qol vurub və 3 məhsuldar ötürmə edib.
Kvaratsxeliya "Napoli" ilə vidalaşdı
