Bu gün futbol üzrə İngiltərə çempionatında (Premyer Liqa) 2024/2025-ci illər mövsümünün 21-ci turuna yekun vurulub.
Arena.az xəbər verir ki, sonuncu oyun günündə iki qarşılaşma baş tutub.
“İpsviç Taun” doğma meydanda “Brayton”a uduzub. “Mançester Yunayted” isə “Sauthempton”u qəbul edib. Uğursuz mövsüm keçirən “qırmızı şeytanlar” ilk hissədə məğlub duruma düşsələr də, son dəqiqələrdə ardıcıl 3 qol vurmaqla əzmkar qələbə qazanıblar.
Beləliklə, 21 turdan sonra 47 xala malik olan və bir oyun az keçirmiş “Liverpul” vahid liderdir. “Arsenal” 43 xalla ikinci, “Nottingem Forest” 41 xalla üçüncüdür. “Nyukasl”ın 38, “Çelsi”nin 37, “Mançester Siti və “Aston Villa”nın 35, “Bornmut”un 34, “Brayton”un 31, “Fulhem”in 30, “Brentford”un 28, “Mançester Yunayted Yunayted” və “Vest Hem”in isə 26 xalı var.
İngiltərə, Premyer Liqa
21-ci tur
14 yanvar
Brentford – Mançester Siti 2:2
Qollar: Vissa, 82. Norqard, 90+2 – Foden, 66; 78.
Çelsi – Bornmut 2:2
Qollar: Palmer, 13. R.Ceyms, 90+5 – Kluyvert, 50-pen. Semenyo, 68.
Vest Hem – Fulhem 3:2
Qollar: Soler, 31. Souçek, 33. Paketa, 67 – İvobi, 51; 78.
Nottingem Forest – Liverpul 1:1
Qollar: Vud, 8 – D.Jota, 66.
15 yanvar
Everton – Aston Villa 0:1
Qol: O.Uotkins, 51.
Lester Siti – Kristal Pelas 0:2
Qollar: Mateta, 52. Qehi, 78.
Nyukasl – Vulverhempton 3:0
Qollar: A.İsak, 34; 57. Qordon, 74.
Arsenal – Tottenhem 2:1
Qollar: Solanke, 40-öz qapısına. Trossard, 44 – Son, 25.
16 yanvar
İpsviç Taun – Brayton 0:2
Qollar: Mitoma, 59. Rutter, 81.
Mançester Yunayted – Sauthempton 3:1
Qollar: A.Diallo, 82; 90; 90+4 – Uqarte, 43-öz qapısına.
