ABŞ-nin yeni seçilmiş prezidenti Donald Tramp Hərbi Hava Qüvvələri komandanı vəzifəsinə Troy Maynkanın namizədliyini irəli sürüb...
Poliqon xəbər verir ki, Ağ Evin gələcək rəhbəri bu barədə “Truth Social” sosial şəbəkəsində məlumat verib.
Tramp vurğulayıb ki, Maynka vətənpərvər və Hərbi Hava Qüvvələrinin qarşısında duran strateji problemləri dərk edən veterandır.
ABŞ-ın yeni seçilmiş prezidenti əlavə edib ki, Maynkanın təcrübəsi və ölkəyə bağlılığı onu “görkəmli lider” edəcək.
Qeyd edək ki, bundan əvvəl Tramp “Hollivudu işığa qaytaracağına” söz verib və üç aktyoru - Mel Gibsonu, Con Voytu və Silvester Stalloneni Amerika kino sənayesinin paytaxtına səfir təyin etmişdi.
ABŞ-ın 47-ci prezidentinin andiçmə mərasimi 2025-ci il yanvarın 20-də baş tutacaq.
Poliqon.info
