“Evdə tək” filmindəki ev 5,5 milyon dollara satılıb.
Söz.az xəbər verir ki, bu barədə TMZ portalı məlumat yayıb.
Portalın məlumatına görə, malikanə ötən ilin mayında satışa çıxarılıb, onun qiyməti 5,25 milyon dollar olub.
TMZ qeyd edib ki, filmdə binanın yalnız xarici görünüşünü görmək olar, çünki içəridə bütün çəkiliş qrupu üçün az yer olub. Bu səbəbdən kinorejissorlar çəkiliş yerinin yaxınlığındakı keçmiş məktəbin daxilində iki mərtəbəli geniş studiya qurublar.
Malikanədə beş yataq otağı, altı vanna otağı, təchiz olunmuş kinoteatrı və qapalı idman meydançası var.
