Misli Premyer Liqasında bu gün mövsümün ikinci yarısı start götürəcək.
Fanat.Az xəbər verir ki, 19-cu turun ilk oyun günündə bir görüş baş tutacaq.
2025-ci il "Qarabağ" - "Şamaxı" dueli ilə başlayacaq. Sözsüz ki, görüşün favoriti Ağdam təmsilçisidir. Ayxan Abbasovun komandası bu mövsüm "köhlən atlar"dan nəinki xal alıb, qol sevinci belə yaşamayıb. Baxmayaraq ki, “Qarabağ”ın heyətində dəyişiklik olub, hücumçu Juninyo klubu tərk edib. “Şamaxı” isə 7 yeni futbolçu ilə güclənib.
İlin ilk matçını FİFA referisi Elçin Məsiyev idarə edəcək.
Misli Premyer Liqası
19-cu tur
17 yanvar
19:00. “Qarabağ” – “Şamaxı”
Hakimlər: Elçin Məsiyev, Pərvin Talıbov, Asiman Əzizli, Fərid Hacıyev
VAR: Nicat İsmayıllı, Eyyub İbrahimov
Hakim-inspektor: Babək Quliyev
Tofiq Bəhramov adına Respublika Stadionu.
