Rusiyanın zənginləşdirilmiş uranın ixracına məhdudiyyətlər qoyması ABŞ-nin nüvə enerjisi sənayesində fasilə yarada bilər.
KONKRET.az CNN-ə istinadən xəbər verir ki, bu barədə ABŞ prezidentinin milli təhlükəsizlik üzrə köməkçisinin müavini Dalip Sinq Atlantik Şurada çıxışı zamanı deyib: “Rusiya keçən ilin noyabrında zənginləşdirilmiş uranın ixracını məhdudlaşdırdı ki, bu da bizim və müttəfiqlərimiz üçün nüvə enerjisi istehsalında fasilələr təhlükəsi yaratdı “. Onun sözlərinə görə, ABŞ-də enerji sənayesini kritik materiallarla təmin etməklə bağlı riskləri minimuma endirmək üçün nəzərdə tutulan tədbirlər hazırlanır. Bundan əvvəl Britaniyanın “Daily Wrap” portalı Rusiyanın uran tədarükünə qadağa qoymasının ABŞ-nin enerji sektoruna ciddi zərbə vura biləcəyini yazıb.
Vəli Həsənoğlu,
KONKRET.az
