Maraqlıdı, son dəyişikliklərin fonunda düşərgədə vəziyyət necədi? Komandanın kapitanı Səbayıl Bağırov “Futbol+”ə bu haqda danışdı:
“Yaxşı toplanış keçirdik. Üç yoxlama matçımız oldu. Çempionat bizim üçün daha məsuliyyətlidi. Rəqiblərimiz güclənib, biz də güclənməyə çalışrıq. Hər oyuna qələbə üçün çıxacağıq. Hədəfimiz premyer-liqada qalmaqdı. Düzdü, komandada dəyişikliklər oldu. Futbolçu olaraq, problemləri arxa planda saxlamağı bacarmalıyıq və buna çalışırıq. Heç bir problem bizi yolumuzdan döndərə bilməz. Xal və xallar qazanmaq istəyindəyik ki, elitada yerimizi qoruyaq. Hazırda klubla ikiillik müqaviləm var. Fikrimi “Şamaxı”ya yönəltmişəm. Sonrasına baxarıq. İndi diqqətimizi “Qarabağ”la oyuna yönəltmişik. Bilirik ki, asan olmayacaq”.
RÖYANƏ OĞUZ
