Bank kartındakı pulun tükənməməsini arzulayanlar az deyil, amma günümüzün qəhrəmanları belə sehrli arzusunu reallaşdırmaq imkanı olsa belə, bahalı əşyalar almağa tələsmirlər.
Hafta.az olaraq bu dəfə milyonlarla dollar qazanmasına baxmayaraq təvazökar həyat tərzi seçmiş məşhurlardan danışacağıq.
Kianu Rivz
Kianunun ekrandakı parlaq rolları ona ömürlük sərvət qazandırdı, lakin pul aktyorun insanlığına təsir etmədi. Kianu kiçik bir mənzildə yaşayır və illərdir eyni paltarı geyinməkdən utanmır. Bundan başqa, aktyorun hesabında olan külli miqdarda pulun da xeyriyyə işlərinə yönəldiyi hər kəsə məlumdur. Parkda skamyada oturan kədərli Kianunun xatirələri sadəcə zarafat deyil, əsl təvazökar həyat tərzinin nümunəsidir.
Ed Şiran
Ed Sheeran dünyanın ən zəngin musiqiçilərindən biridir, lakin o, sərvətini nümayiş etdirmir.Müğənni aylıq xərclərdə min dolları keçməməyi qaydaya salıb. Musiqiçinin hesabında bir neçə ev və mənzil var, hamısı kirayədədir. Şiran adi mağazalardan və ya endirimlə təzə paltar almaqdan çəkinmir.
Kira Naytli
“Karib dənizinin quldurları” filminin ulduzu ildə 50 min dollardan çox pul xərcləməmək qərarına gəlib. Belə bir məbləğ aktrisanın illik gəlirinin çox cüzi hissəsidir. Kiranın sözlərinə görə, bu yanaşma ona məşhur olmayan dostlarından uzaqlaşmamağa kömək edir.
Cennifer Lourens
Uzun illər Hollivudun ən çox qazanan aktrisalarından olan Cennifer Lourens pulu qənaətlə xərcləməyi bilir. O, var-dövlətini israf etməyi sevmir. Lourensin yaşadığı evin təxmini qiyməti 879 min dollardır. Gündəlik həyatda aktrisa adi mağazalardan paltar alır və bahalı alış-verişə pul xərcləmir.
Sara Cessika Parker
Sara uşaqlıq illərində yaşadığı çətinliklərlə övladlarını təvazökar ruhda böyüdüb. O, müsahibələrinin birində oğluna deyib ki, köhnə qohumlarının paltarını geyinir, çünki hesab edir ki, yaxşı vəziyyətdə olan əşyaları atmağın mənası yoxdur. Buna baxmayaraq, Parkerin ümumi sərvəti 100 milyon dollar olaraq qiymətləndirilir.
Sandra Bullok
Sandra Bullok da sadə və rahat həyatın tərəfdarıdır. Aktrisa bir neçə dəfə müxtəlif fondlara külli miqdarda pul verib, iki uşaq övladlığa götürüb və hazırda sadə evdə onlara baxır.
Cennifer Qarner
Cennifer Qarner kütləvi marketlərdə alış-veriş etməyi də öyrənib. Aktrisa hətta cangüdənlərdən də istifadə etmir və uşaqları ilə ictimai yerlərdə gəzir. Onun əsas avtomobili velosipeddir.
Rassell Krou
Rassell Krou Los Ancelesi iş yeri kimi görür. Hazırda Avstraliyada ferması var və vaxtının çoxunu ailəsi ilə birlikdə orada keçirir. O, ABŞ-a ancaq fotosessiyaya gəlir.
Tobey Maquir
Tobey Maquirin uşaqlığı çətinliklərlə dolu olub. Onun üçün həyatında ən vacib şey ailəsidir. Hazırda “Hörümçək-adam”ın qəhrəmanı kiçik bir evdə yaşayır və yalnız zəruri ehtiyacları üçün pul xərcləyir.
Mark Ruffalo
Mark Ruffalo məşhurlaşana və uğur qazanana qədər çox çətin həyat keçirib. Orta yaşlarında beyin şişi diaqnozu qoyulanda o, dəbdəbəli həyat tərzindən əl çəkərək bütün diqqətini ailəsinə yönəldib.
