"Əl-Hilal"ın və Braziliya millisinin hücumçusu Neymar ölkəsinin futbol əfsanəsi Romarioya müsahibə verib.
Publika.az xəbər verir ki, Neymar Romarionun "karyeranda nədənsə peşmansan?" sualına maraqlı formada cavab verib:
“Xeyr, heç nəyə görə peşman deyiləm. Karyeramda həyatımda etdiyim hər bir səhv böyüməmə, yetkinləşməmə kömək etdi. Ona görə də heç nəyə peşman deyiləm.
Məsələn, “Real” əvəzinə “Barselona”nı seçdiyimə görə peşman deyiləm. Mən ora ürəyimlə getdim. Əlbəttə, mən Messi ilə oynamaq istəyirdim! "Barsa" mənim sevdiyim komanda idi. Mən həmişə bu komandanı izləmişəm. Ronaldinyodan bəri həmişə deyirdim ki, “orada oynamaq istəyirəm”. Belə də oldu”.
