“Real”ın baş məşqçisi Karlo Ançelotti İspaniya Kral Kubokunun “Selta” ilə 1/8 final ev oyununda (5:2) fitə basılmasını şərh edib.
Arena.az “Marca” nəşrinə istinadən, italyan mütəxəssisin bu barədə fikrini təqdim edir:
“Bu, azarkeşlərin ismarışıdır və “Barselona” ilə oyunda baş verənləri nəzərə alsaq, bu, haqlıdır. Sonra biz buna yaxşı qarşılıq verdik. Bu gün “Santyaqo Bernabeu” diqqətimizi cəlb etmək üçün fitlə səsləndi. Ancaq “Bernabeu” bizi dəstəkləməyə başlayanda bu, xüsusi bir məqam olur”, deyə Ançelotti vurğulayıb.
Xatırladaq ki, Karlo Ançelottinin “Real”ı İspaniya Super Kubokunun final oyununda əzəli rəqibi “Barselona”ya 2:5 hesablı biabırçı məğlubiyyətə uğrayıb.
