"Sizin Rusiyaya səfəriniz tarixi əhəmiyyət daşıyır. Siz və prezident Vladimir Putin Rusiya ilə İran arasında hərtərəfli strateji tərəfdaşlıq haqqında müqavilə imzalayacaqsınız," - deyə Mişustin görüş zamanı bildirib.
Onun sözlərinə görə, bu razılaşma iki ölkə arasında uzunmüddətli əməkdaşlıq üçün möhkəm təməl yaradacaq və Rusiya hökuməti bütün qərarların icrasını təmin edəcək.
Bu gün Pəzeşkiyan Rusiyaya rəsmi səfərə gəlib. Putinlə danışıqlar zamanı liderlər Suriya, Fələstin-İsrail münaqişəsi və Cənubi Qafqazdakı vəziyyəti müzakirə edəcəklər. Bundan əlavə, iki ölkə arasında strateji tərəfdaşlıq müqaviləsi imzalanacaq.
Rusiya Federasiya Şurasının sədr müavini Konstantin Kosachyov da bu müqaviləni yüksək qiymətləndirib.
Təklifinizi, şikayətinizi bizə yazın. Sizi dinlərik. 055 634 88 31
