Ötən il Azərbaycanda metro nəqliyyatı (Bakı metropoliteni – red.) ilə 229 462,6 min sərnişin daşınıb, bu da illik müqayisədə 4,6% çoxdur.
Dövlət Statistika Komitəsindən "APA-Economics"ə verilən məlumata görə, 2023-cü ildə qeyd olunan göstərici 219 452 min nəfər təşkil edib.
Xatırladaq ki, Bakıda metropolitendə xətlərin uzunluğu 40,7 kilometrə, sayı 3-ə, stansiyalarının sayı isə 27-ə bərabərdir. Hazırda Bakı metropolitenində konseptual inkişaf proqramına uyğun olaraq, tikinti işləri davam etdirilir.
