“Əliyevin xəbərdarlığından sonra Ermənistan hökuməti üçüncü güzəştə getdi”.
News24.az globalinfo.az-a istinadla xəbər verir ki, bunu erməni müxalif deputat Tiqran Abramyan deyib.
O deyib ki, Minsk qrupunun buraxılması, konstitusiyanın dəyişdiriləcəyi vədindən sonra Paşinyan qısa zaman ərzində sərhədlərin demarkasiyası məsələsində də güzəştə getdi:
“Demarkasiyanı Tavuşdan başlamaq Bakı üçün həyati əhəmiyyətli idi. Çünki Ermənistan hökuməti anklavları – Yuxarı Əskipara, Sofulu və Barxudarlını Azərbaycan ərazisi elan edib. Onların verilməsi təkcə Tavuşdakı daxili kommunikasiyanı pozmayacaq, həm də Ermənistan-Gürcüstan sərhədinə gedən yolu və qaz kəmərini zərbə altında qoyacaq”.
T.Abramyan həmçinin qeyd edib ki, bununla yanaşı, İcevandan Berdə gedən yol Azərbaycan Ordusunun vizual nəzarətinə düşəcək.
