"Rusiya liderinin köməkçisi Nikolay Patruşevin son qalmaqallı bəyanatları Rusiyanın yüksək rütbəli məmurlarının Ukrayna dövlətçiliyinə, kimliyinə və mədəniyyətinə zərbə vurmaq və təhdid etmək məqsədi daşıyan uzun müddətdir davam edən praktikasının bir hissəsidir".
HİT.az xəbər verir ki, bu barədə Böyük Britaniyanın Müdafiə Nazirliyi “X” sosial şəbəkəsində kəşfiyyat məlumatlarına istinadən məlumat yayıb.
"Patruşevin bəyanatları Ukrayna millətini, kimliyini və mədəniyyətini sarsıtmağa və təhdid etməyə çalışan yüksək rütbəli Rusiya rəsmilərinin çoxdankı anti-Ukrayna bəyanatlarının bir hissəsidir. Bu, Rusiyanın Sovet İttifaqının dağılmasından sonra Ukraynanın müstəqilliyini və suverenliyini tanıması, eləcə də Ukraynanın beynəlxalq səviyyədə tanınması ilə birbaşa ziddiyyət təşkil edir", deyə departamentdən bildirilib.
Bildirilir ki, Rusiya rəhbərliyinin ritorikası və Ukraynanı nasizmə görə tez-tez ittiham etməsi, həm 2022-ci ildə Rusiyanın Ukraynaya qarşı genişmiqyaslı müdaxiləsindən əvvəl, həm də müharibənin başlanğıcından sonra, demək olar mütləq şəkildə Rusiya hərbçilərinə və daxili əhaliyə təsir göstərmək məqsədi daşıyır. Bu ittihamlar Rusiya ictimaiyyətində və ordusunda müharibəyə dəstək yaratmaq və iştirak üçün motivasiya formalaşdırmaq məqsədi güdür.
"Rusiya rəhbərliyi bununla da Rusiyanın nasist Almaniyası ilə müharibəsinin dərin tarixi və psixoloji təsirindən istifadə edərək rusların Ukrayna və ukraynalıları təhlükə kimi qavramasını formalaşdırmağa və bununla da Rusiyanın işğalına haqq qazandırmağa çalışır. Bu cür rəvayətlər Rusiya dövlət mediası tərəfindən dəstəklənir və yayılır", deyə departament qeyd edib.
Daha əvvəl Rusiyanın “Komsomolskaya Pravda” təbliğat qəzetinə müsahibəsində Patruşev 2025-ci ildə “Ukraynanın mövcudluğunu dayandıra biləcəyini” bəyan edib, Rusiya Federasiyası ilə Ukrayna arasında “qardaşlıq münasibətlərini” xatırlatdıb, eyni zamanda Ukrayna şəhərlərinin dağıdılmasını Ukrayna tərəfindən neonasist ideologiyasının və rusofobiyanın zorakılıqla tətbiqi izah edib.
Samir
