Futbol üzrə Azərbaycan millisinin və “Qarabağ”ın yarımmüdafiəçisi Toral Bayramov Peşəkar Futbol Liqası (PFL) tərəfindən mükafatlandırılıb.
Arena.az bu barədə Peşəkar Futbol Liqasının rəsmi saytına istinadən xəbər verir.
Xəbərdə bildirilir ki, “Ayın qolu” layihəsi çərçivəsində dekabr ayının ən yaxşı qolunun müəllifini mükafatlandırıb. Bu ada Toral Bayramov layiq görülüb. Ona Azərbaycan Premyer Liqasının 19-cu turunda bu gün “Şamaxı” ilə görüşdən əvvəl mükafat təqdim olunub. Mükafatı Peşəkar Futbol Liqasının Texniki-İdman direktoru Elgiz Abbasov təqdim edib.
