İspaniya Kral Kubokunun 1/16 final mərhələsində "Real Madrid"in "Selta Viqo"nu 5-2 hesabı ilə məğlub etdiyi oyunda maraqlı anlar yaşanıb. Metbuat.az xəbər verir ki, 2-0 hesabı ilə irəlidə olan “Real” üstünlüyü əldən verib. Oyunun əsas vaxtı 2-2 hesabı ilə yekunlaşıb. Əlavə vaxtda 3 qola imza atan “Real” növbəti mərhələyə keçib. Oyuna 70-ci dəqiqədə daxil olan Arda Güler iki qolun asistini edib. Futbolçunun 1 qolu isə oyundan kənar vəziyyətə görə qeydə alınmayıb. Oyunda Karlo Ançelotti və Tşouameni etirazlara məruz qalıb. Qeyd edək ki, bundan əvvəlki oyunlarda da Karlo Ançelottinin heyət seçimləri azarkeşlər tərəfindən etirazla qarşılanıb. Arda Gülerin əsas heyətdə yer almaması, bəzi futbolçuların öz mövqelərində yer almaması tənqid edilib.
