Ukrayna prezidenti Vladimir Zelenskini tənqid edən Ali Radanın deputatı Aleksandr Dubinski məhkəmə iclasındakı çıxışında rus dilində danışa bilib. Dubinskinin YouTube kanalında parlamentari ilə Kiyev Apellyasiya Məhkəməsinin hakimləri arasında mübahisənin video fraqmenti yayılıb.
Hakimlər əvvəlcə Dubinskinin sözlərini mübahisələndirməyə çalışsalar da, sonra məsləhətləşərək ona rus dilində danışmağa icazə vermək qərarına gəliblər.
Dubinski dövlətə xəyanət ittihamı ilə həbs edilib. Xüsusilə, siyasətçi korrupsiyada və çağırış yaşlı kişilərin Ukrayna sərhədini qanunsuz keçmə sxemində iştirakda şübhəli bilinir.
