“Qarabağ” Misli premyer-liqasının 19-cu turunda “Şamaxı”nı məğlub etdi - 3:2.
“Football-plus.az” xəbər verir ki, ağdamlıların baş məşqçisi Qurban Qurbanov oyunsonrası mətbuat konfransında jurnalistlərin suallarını cavablayıb.
- Çempionatın2-ci hissəsinə başladıq. Çatışmazlıqlarımız çox idi. Sürətli, dinamik və baxımlı oyun izlədik. Çox vacib qələbə əldə olundu. Ayxan yaxşı kollektiv formalaşdırıb. Azarkeşlərimizə də təşəkkür edirəm.
- “Qarabağ” bu gün qapısında iki qol gördü. Bu sizin üçün sürpriz oldumu?
- “Şamaxı”nın özünəxas oyun üslubu var. Belə bəsit qollar buraxmaq məni narahat etdi. Texniki səhvlərimiz oldu. Belə buraxılan qolların komandama faydası çox olur.
- Yoxlama oyunlarındagəncləri sınaqdan keçirdiz. Premyer-liqada bu tendensiya davam edəcək?
- Hələ tezdi. Baxacağıq, Aminin 16 yaşı var. Hələ bir qədər bərkiməlidi. Davud bir aydı komandada məşqlərə başlayıb. Görsək ki, dözmə qabiliyyəti var, ondan istifadə edəcəyik.
- Müdafiənin mərkəzində səhvlərdən danışdıq. Bəhlulu yenidən həmin mövqeydə görə bilərikmi?
- Səhv fərdi idi. Mateusun başqa üstün keyfiyyətləri var. Bəhlul da əsas heyətdə ola bilər. Hər bir oyunçunun oynamaq ehtimalı ola bilər. Bəhlul komanda ilə məşqlərə başlayıb. Hələ ki 5 günümüz var. Futbolçuların durumuna baxacağıq.
- “Qarabağ”dan ayrılan hücumçuları gözdən keçirirsizmi? İbrahim Vaciyə diqqət ayırmısızmı?
- Vaci də onların siyahısında ola bilər. Başqa oyunçulara baxırıq.
- Qış dönəmində yaxşı futbolçu almaq çətindi. “Qarabağ” hələ də futbolçu ala bilməyib. İcraiyyə Komitəsinin iclasını gözləyirsiz, yoxsa futbolçuları bəyənmirsiz?
- Çox az müddət oldu. Çempionat dekabrın 21-də tamamlandı. Bu gün də başladı. Oyunçu götürmək üçün limitə ehtiyac yoxdu. Bəyəndiyimiz olarsa, mütləq götürmək istəyirik. Heyətdə bəzi rotasiyalar edirdik. 15 günə 5 oyunumuz var. Bu müddətdə oyunçular problem yaşayır. Mütləq oyunçu almaq istəyirik. Transfer xatirinə də transfer etmək istəmirik. Yenə də son günə kimi axtarışdayıq.
- Benzyanın yoxluğu təsir göstərəcək. Onun yerində Zubiri, yoxsa Addaini oynadacaqsız?
- Hər birinin o mövqeydə oynamaq potensialı var.
- FKSB haqda nə deyə bilərsiz?
- Ümumilikdə bir qədər ağır komandadı. İntizamlı oyun üslubları var. 10 nəfərlə müdafiə olunmağı yaxşı bacarırlar. Çox təhlükəli əks-hücumları var. Sırf nəticəyə oynamağı bacaran komandadı.
- Gələn həftə AFFA İcraiyyə Komitəsinin iclasının olacağı gözlənilir.
- Ətraflı danışmağı çox istəyərəm. Cəmiyyətə, sizlərə bildirilməyibsə, mənim nəsə deməyim düzgün çxımır. Tam məlumat veriləndən sonra sizə rahat cavab verə bilərəm.
ƏSƏD SEYİDOV
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
