Azərbaycan U-13 futbol liqasında keçirilən yarışlarda istifadə olunan toplar müzakirə mövzusuna çevrilib.
“Qafqazinfo” xəbər verir ki, bu barədə sosial şəbəkələrdə paylaşım edilib.
Aşağı yaş qrupundan ibarət komandaların oyunundakı topların yararsız vəziyyətdə olması tənqid edilib.
Daha sonra AFFA açıqlama yayaraq həmin topların ehtiyat toplar olduğunu, artıq komandalara yeni toplar verildiyi bildirilib:
“U-13 Liqasındakı məsələ ilə bağlı qeyd etmək istərdik ki, bunlar ehtiyat toplardır. Hər hansı fors-major vəziyyətdə istifadə olunur. Bu gün səhər saatlarında yeni toplar gətirilməli idi. Oyunların vaxtında başlaması, gecikməməsi üçün birinci hissələr ehtiyat toplarla oynanıldı. Növbəti oyunlarda artıq komandalar yeni toplarla təmin olundular. Topların gec gəlməsi ilə bağlı tərəfimizdən araşdırma aparılacaq və müvafiq addımlar atılacaq”.
