E. Sadıqovun fikrincə, Amerika üçün burada bir risk var deyə mən bu addımı atmayacaq. Çünki kriptovalyutanı yığdıqdan sonra tarixdə bir neçə dəfə belə hadisələr baş verib:"Məsələn, məşhur milyarder keçən əsrin əvvəllərində külli miqdarda dünya bazarında olan gümüşün 30 faizə qədərini əlində cəmləşdirdikdən sonra onu bazara satmağa çıxardıqda həmin gümüş qiyməti kifayət qədər çöküb. Yəni əgər bütün məhsul sizin əlinizdədirsə və onu artıq siz bazarda satışa çıxarırsınızsa, bir müddət müəyyən həddə həmin məhsulu satmalısınız. Çünki bütün məhsul sizdədir və faktiki olaraq birdən-birə böyük bir təklifin yaranması bazarda ciddi ajiotaj doğura bilər ki, bu da qiymətləri aşağı sala bilər. Xüsusilə də ABŞ-nin kriptovalyutaları artıq satışa çıxarılması kifayət qədər bazara neqativ emosiyaların verilməsidir. Ona görə də Amerika Birləşmiş Ştatlarının kriptovalyutalarını özündə cəmləşdirmək kimi fikri olacağını o qədər də düşünmürəm. Amma bu fikir yalnız o halda ola bilər ki, jriptovalyuta bazarına tam nəzarət etməyi düşünsünlər. Çünki kriptovalyuta heç də bildiyimiz kimi müsbət bir alət deyil. Biz onun maliyyə əməliyyatlarındakı qiymətlərini daha çox görüb üzərində müzakirələr aparırıq, ancaq kritovalyutalarla hal-hazırda kifayət qədər qaranlıq, qeyri-leqal əməliyyatlar gedir və həmin əməliyyatların izlənməsi kodlaşdırma və s. səbəblərdən asan deyil".Ekspert qeyd edib ki, Trampın hakimiyyətə gəldikdən sonra nə qədər addım atsa da, bitkoinin hasil olunmasını məsələsini sürətləndirmək və yaxud dayandırmaq bundan sonra çətin olar:"Hər bir halda bu proseslərə müdaxilə etmək limitlidir və yalnız tələb və təklifin dəyişməsi ilə vəziyyət dəyişə bilər. Ona görə də müəyyən dərəcədə Trampın gəlməsindən, xüsusilə də ABŞ-nin maliyyə bazarlarına nəzarət funksiyalarını yerinə yetirəcək yeni gələcək rəhbərin Amerika dövlətinin kriptovalyutalarla bağlı rəsmi mövqeyinin açıqlanmasından sonra biz bazarda dinamikanı görəcəyik. Amma bütün dünya iqtisadçıları, o cümlədən faktiki olaraq elə Amerikanın özündə çox böyük investorlar, milyarderlər kriptovalyutalara o qədər də etibarlı alət kimi baxmırlar. Həm iqtisadçılar, həm ciddi milyarderlər buna spekulyativ alət kimi baxırlar. Çünki kriptovalyutanın arxasında faktiki olaraq heç nə durmur, heç bir güvən yoxdur və sabah o bazarın çökməsi istisna olunmur. Məsələn, pul vəsaitlərinin, həmin maliyyə alətlərinin yatırılması, iqtisadi aktivliyin aşağı düşməsi, yaxud həmin valyuta əməliyyatların ölkələrdən kapital axınını sürətləndirməsi, qeyri-leqal əməliyyatların artması, terrorizmin maliyyələşməsi və s. məsələlərin kritovalyuta ilə həyata keçirilməsi milli təhlükəsizliyə hər hansı bir risk formalaşdırarsa, o zaman Amerika başda olmaqla digər ölkələr də bununla bağlı ciddi tədbirlər görə bilər və bu, istisna deyil. O səbəbdən məhz dünyanın ən böyük hec fondları, investisiya şirkətləri, investisiya bankları, bir neçəsi istisna olmaqla milyarderlər, spekulyativ olaraq onu satıb qiyməti ilə oynayan insanlar istisna olmaqla, kriptovalyutanı investisiya aləti kimi tam olaraq etibarlı hesab etmirlər".Sevinc İbrahimzadə / Metbuat.az
