IFFHS avrokuboklarda ən çox oyun keçirmiş futbolçuların siyahısını açıqlayıb.
İdman.biz xəbər verir ki, 2002-2022-ci illər ərzində Avropa turnirlərində ümumilikdə 197 oyun keçirmiş Kriştiano Ronaldo bu göstəricidə liderdir.
Siyahıda portuqaliyalı forvarddan sonra ispaniyalı futbolçular qərarlaşıb: Pepe Reyna 192, İker Kasilyas 186, Xavi isə 173 oyun keçiriblər.
Daha sonra italiyalı futbolçular gəlir: Paolo Maldininin avrokuboklarda 168, Canluici Buffon isə 167 qarşılaşmada iştirak edib.
Argentinalı Lionel Messinin hesabında da 167 oyun var.
İdman.biz
