"Portu"nun portuqaliyalı qapıçısı Dioqo Kosta karyerasını "Mançester Siti"də davam etdirə bilər.
90deqiqe.Az "Football Transfers"ə istinadən xəbər verir ki, Mançester klubu 25 yaşlı qolkiperi Edersonun əvəzləyicisi kimi görür. "Şəhərlilər" bu mövsüm başa çatdıqdan sonra portuqaliyalı ilə müqavilə imzalamaq istəyirlər.
Bundan əvvəl portuqaliyalıya “Mançester Yunayted” və “Barselona”nın maraq göstərdiyi iddia olunurdu.
Qeyd edək ki, Portuqaliya millisinin qolkiperinin "Portu" ilə hazırkı müqaviləsi 2027-ci ilin iyun ayına kimidir. Hazırda ekspertlər Kostanın transfer dəyərini 40 milyon avro qiymətləndirirlər. Xatırladaq ki, bu mövsüm Dioqo Kosta “əjdahalar”ın heyətində Portuqaliya liqasında 17 oyun keçirib, onlardan 11-də sahibliklərini toxunulmaz saxlaya bilib.
