Astarada ağır qəza: Əkiz bacılar xəsarət aldı

Astara rayonunda baş verən yol-nəqliyyat hadisəsi zamanı əkiz bacılar xəsarət alıb. 

Bizim.Media xəbər verir ki, qəza Telman kəndi ərazisində, köhnə Ələt-Astara magistralında baş verib. 

Hadisə zamanı "Hyundai" markalı avtomobil "VAZ-2107" markalı avtomobillə toqquşub.

Nəticədə Astara rayonundan olan 2006-cı il təvəllüdlü Zəhra və Fatimə Zamiq qızı Bayramovalar müxtəlif bədən xəsarətləri alıb. Onlar Lənkəran Rayon Mərkəzi Xəstəxanasının təcili yardım şöbəsinə yerləşdirilib. Yaralılara ilkin tibbi yardım göstərilib, vəziyyətlərinə uyğun müalicə müvafiq şöbədə davam etdirilir.

Faktla bağlı araşdırma aparılır.

Sabutay, Bizim.Media, Cənub bürosu

• Xəsarət
• Qəza
• Hyundai
• Yol-Nəqliyyat
• Vaz-2107
• Astarada
• Əkiz Bacılar
• Telman Kəndi