"Real Madrid"in müdafiəçisi David Alaba uzun müddət zədəsini sağaltdıqdan sonra yaşıl meydanlara qayıdıb.
90deqiqe.Az xəbər verir ki, bu gün "Real Madrid" doğma meydanda "Las Palmas"ı məğlub edib. İspaniya çempionatında 20-ci turun oyunu 4:1 hesabı ilə başa çatıb. 32 yaşlı Alaba “Los Blancos”un start heyətində yer almasa da, 76-cı dəqiqədə Antonio Rudigeri əvəzləyərək, meydana daxil olub. Bu, avstriyalının 2023-cü ilin dekabrından bəri meydanda ilk çıxışı idi.
"Real Madrid" növbəti matçını yanvarın 22-də "Red Bull Salzburq" komandasına qarşı keçirəcək. Çempionlar Liqasının VII turunun startı Bakı vaxtı ilə saat 00:00-a təyin edilib.
