Məlumatlı mənbələr ABŞ-ın yeni seçilmiş prezidenti Donald Tramp administrasiyasının Dövlət Departamentindən bəzi yüksək vəzifəli diplomatları işdən çıxarmaq planlarından danışıb.
Publika.az xəbər verir ki, bu barədə “The Washington Post” məlumat yayıb.
Vəziyyətlə tanış olan üç məmurun nəşrə verdiyi məlumata görə, söhbət Birləşmiş Ştatların xarici siyasət idarəsinin onlarla əməkdaşından gedir.
“Onlar yeni seçilmiş prezident Donald Trampın köməkçilərinin göstərişlərinə əsasən, inauqurasiyadan əvvəl Dövlət Departamentindəki vəzifələrini tərk edəcəklər”, - deyə məlumatda bildirilir.
