Julen Lopeteqi Belçika millisinə rəhbərlik edə bilər.
Publika.az xəbər verir ki, Belçika Futbol Assosiasiyası artıq 58 yaşlı ispan mütəxəssislə danışıqlar aparır. O, bir neçə gündür - "Vest Hem"in baş məşqçisi vəzifəsindən istefa verdikdən sonra işsizdir.
Lopeteqi ilə bağlı məlumatlar yanvarın 17-də millinin baş məşqçi postunu tərk edən Domeniko Tedeskonun istefasından sonra ortaya çıxıb. Belçika Futbol Assosiasiyası yığmanın nəticələrini yaxşılaşdırmaq üçün təcrübəli məşqçi tapmağa çalışır.
“Qırmızı şeytanlar”ın baş məşqçi postuna potensial namizədlər arasında Tyerri Anri, Rudi Qarsiya, Erik Ten Haq və Mark van Bommel kimi adlar da var.
