Müəllif:Gülbəniz Hüseynli/Banco.az
Donald Trampın yenidən ABŞ prezidenti seçilməsi həm ABŞ, həm də dünya iqtisadiyyatına əhəmiyyətli təsirlər göstərəcək.
Banco.az dünya mediasına əsasən xəbər verir ki, məşhur “El Pais” nəşrinin analitikləri düşünür ki, Tramp, xüsusilə Çin mallarına qarşı yüksək tariflər tətbiq etməyi və vergi endirimlərinə getməyi planlaşdırır. Bu siyasətlər qısa müddətdə ABŞ iqtisadiyyatını stimullaşdıra bilər, lakin uzun müddətdə inflyasiya riskini artıraraq maliyyə dayanıqlığını təhdid edə bilər.
Fosil yanacaqların istehsalını artırmaq və enerji sektorunda tənzimləmələri azaltmaq niyyətində olan Tramp, qısa müddətdə iqtisadiyyatı canlandırsa da, ətraf mühitə mənfi təsirlər və uzunmüddətli maliyyə riskləri yarada bilər.
