Tacikistan hökuməti enerji sektorunun inkişafı üçün hərtərəfli proqram, o cümlədən dəyəri 1,7 milyard dollar olan 18 investisiya layihəsi həyata keçirir. Proqram yeni obyektlərin tikintisini, mövcud stansiyaların modernləşdirilməsini və infrastrukturun inkişafını əhatə edir.
Hafta.az-ın AVESTA-ya istinadən yazdığına görə, prezident Emoməli Rəhmon ölkənin ən böyük su elektrik stansiyalarının modernləşdirilməsində irəliləyişləri qeyd edib.
Nurek və Qayrakqum Su Elektrik Stansiyalarının blokları yenidən qurulandan sonra onların ümumi gücü 2025-ci ilə qədər 64 meqavat artacaq. Bu SES-lərdə görülən işlərin ümumi dəyəri təxminən 7 milyard somonidir.
2025-ci ildə Suqd rayonunda 200 meqavat gücündə günəş elektrik stansiyasının başlanılması və Sebzor Su Elektrik Stansiyasının tikintisinin başa çatdırılması planlaşdırılır. Əsas layihə Roqun SES olaraq qalır və onun tikintisinin yalnız yarısı tamamlanıb. SES 2027-ci ilə qədər ölkənin enerji müstəqilliyini tam təmin edəcək.
