İndoneziyanın Yava əyalətində baş verən sürüşmə nəticəsində onlarla şəxs həyatını itirib.
Publika.az xəbər verir ki, əyalətin Pekalonqan şəhərində güclü yağışlar çayların daşmasına və torpaq sürüşməsinə səbəb olub. Polisdən verilən açıqlamada torpaq sürüşməsi nəticəsində 16 nəfərin öldüyü, 10 nəfərin yaralandığı bildirilib.
İtkin düşən azı 9 nəfərin axtarışına başlanıldığı, lakin yağışlar səbəbindən əməliyyatda fasilələrin olduğu qeyd olunub. Sel fəlakəti və sürüşmə nəticəsində 9 kənddə böyük dağıntıların olduğu müəyyən edilib.