Sosial media platformalarında saçlarının ağardığını göstərən gənc istifadəçilərin sayında artım var.
“Cebheinfo.az” xəbər verir ki, onların arasında hətta cəmi 19 yaşı olan Z nəsli gəncləri də var. Mütəxəssislər xəbərdarlıq ediblər ki, vaxtından əvvəl ağarma ciddi sağlamlıq problemlərindən xəbər verə bilər. ABŞ-nin Ohayo ştatında yaşayan sağlamlıq məsləhətçisi Katarina Orr-Lee bildirib ki, mineral balanssızlıqlar dəmir, sink, kalsium və mis çatışmazlığı ağarmağa səbəb olan əsas səbəbdir.
Dəmir çatışmazlığı piqment itkisinə səbəb ola bilər. Bundan əlavə, stress, genetika, tiroid bezinin pozulması və vitamin B-12 çatışmazlığı vaxtından əvvəl ağarmanın səbəbləri arasındadır.
Mütəxəssislər mineral səviyyələri müəyyən etmək üçün saç analizi testini keçirməyi və nəzarətsiz əlavələrdən istifadə etməməyi məsləhət görürlər.
