Fondun məlumatına görə, 2024-cü ildə 472 qadın sahibkara güzəştli kredit ayrılıb.
2024-cü ildə Sahibkarlığın İnkişafı Fondu (SİF) tərəfindən sahibkarlara məxsus 5722 layihəyə ümumilikdə 248,1 milyon manat güzəştli kredit ayrılıb.
Bu barədə "Operativ Media"nın sorğusuna cavab olaraq Sahibkarlığın İnkişafı Fondundan məlumat verilib.
Fonddan bildirilib ki, bu layihələrdən 472-si qadın sahibkarlara məxsusdur.
Qadın sahibkarların layihələrinə ayrılan güzəştli kreditlərin ümumi məbləği isə 18,7 milyon manatdır.
