Rusiya Prezidenti Vladimir Putinlə Çin Xalq Respublikasının sədri Si Cinpin video danışıq aparıb.
News24.az xəbər verir ki, görüş Donald Trampın ABŞ prezidenti postuna bərpa olunmasından bir neçə saat sonra baş tutub.
Vəzifəyə gəldikdən sonra Vaşinqtonun düşmənlərinə qarşı sərt mövqe nümayiş etdirəcəyini vəd edən ABŞ prezidenti Donald Tramp Pekini ağır tariflərlə hədələyərək, Ukrayna problemini həll etməsə, Moskvanı “böyük bəla” ilə üzləşəcəyi ilə bağlı xəbərdarlıq edib.
Görüş zamanı Siyə “əziz dostum” deyə müraciət edən Putin, Rusiya və Çinin xarici təzyiqlərə baxmayaraq, “dostluq, qarşılıqlı etimad və dəstək əsasında” münasibətlər qurduğunu bildirib.
"Rusiya və Çinin birgə işi beynəlxalq münasibətlərdə mühüm sabitləşdirici rol oynayır", - Putin bildirib.
Si həmçinin tərcüməçi vasitəsilə etdiyi bəyanatda əməkdaşlığı yüksək qiymətləndirib və ikitərəfli ticarətin artdığını bildirib.
Günel Məlikzadə
