Bu güm gecə saatlarında Türkiyənin Bolu bölgəsinin Kartalkayada rayonunda yerləşən “Grand Kartal” oteldə baş verən yanğın nəticəsində 66 nəfər həyatını itirib, 51 nəfər yaralanıb.
“AzPolitika” xəbər verir ki, bu barədə Türkiyənin daixili işlər naziri Əli Yerlikaya jurnalistlər üçün təşkil olunan mətbuat konfransı zamanı məlumat verib.
Nazir otelin 12 mərtəbəli olduğunu və yanğın zamanı binada 238 şəxsin qonaqladığını açıqlayıb.
“Saat 03.27-də ilk məlumat daxil olub. Yanğın söndürülüb. Soyutma işləri davam edir. Otelin arxası yamacda olduğu üçün müdaxilə yalnız ön və yan fasadlardan edilib. Yanğına iki baş əmlak müfəttişi təyin edilib”, -deyə Yerlikaya bildirib.
Səhiyyə naziri Kamal Memişoğlu, 51 nəfər yaralılardan birinin vəziyyətinin ağır olduğunu, 17 nəfərin isə müalicə üçün evə buraxıldığın qeyd edib.
“AzPolitika.info”
