“Apple” uzun illər liderlik etdiyi Çin smartfon bazarında liderliyini itirib.
İndex.az xəbər verir ki, “Huawei” və “Vivo” kimi yerli rəqiblərin yüksəlişi ilə Apple ölkədə ən çox satılan smartfon markası titulunu itirib.
“Canalys” tərəfindən paylaşılan məlumatlara görə, “Apple”in Çindəki bazar payı yüzdə 15, “Huawei” yüzdə 16, “Vivo” isə yüzdə 17-ə yüksəldi.
“Apple”in Çində “iPhone” satışları əhəmiyyətli dərəcədə azalıb. 2023-cü ildə 51,8 milyon ədəd satan şirkət 2024-cü ildə bu rəqəmi 42,9 milyona endirib.
Digər tərəfdən, “Vivo” güclü yüksəliş trendinə malik olsa da, “Huawei” ABŞ sanksiyalarına baxmayaraq bazar payını sürətlə artırmağa davam edir. “Huawei” 2024-cü ildə smartfon tədarükünü 37 faiz artıraraq böyük bir geri dönüş etdi.
