İngiltərə Premyer Liqa klublarından "Mançester Yunayted"in gənc ulduzu Alexandro Qarnaço qış transfer pəncərəsinin ən populyar oyunçularından biridir.
Apasport.az xəbər verir ki, futbolçu üçün "Napoli" və "Çelsi" transfer yarışına giriblər.
İtalyanlar Qarnaço üçün Mançester klubuna 50 milyon avroluq təklif göndərib. Hətta təklifə 50 milyondan əlavə bir sıra bonuslar da daxildir.
Lakin ingilis klubu Alexandronun qiymətinin daha artıq olduğunu düşünüb və bu təklifi qəbul etməyib.
İnsayder Fabritzio Romanonun xəbərinə görə, "Napoli"nin baş məşqçisi Antonio Konte də keçdiyimiz cümə günü futbolçu ilə görüşüb və onu razı salmağa çalışıb.
Digər tərəfdən Alexandro transferi üçün "Çelsi"nin də maraqlı olduğu bildirilir. Bu alternativ təklif "Yunayted"in əlini gücləndirib və futbolçunun qiymətini də qaldırmış olub.
Transfermarkt portalının 50 milyon avro olaraq qiymətləndirdiyi Qarnaço bu mövsüm qırmızı şeytanların heyətində 32 matça çıxıb və 8 qol, 5 assistlə yadda qalıb.
“Qalatasaray”ın atleti yanğında vəfat edib
“Aston Villa” 67 milyonluq təklifi rədd etdi
Sabiq “Çelsi”li Braziliya klubunda
“Yunayted” Danimarka millisinin üzvünü istəyir
TFF qərar verdi: "Matçlara 1 dəqiqəlik sükutla başlanılacaq"
