Türkiyəli aktyor Şahan Gökbakar Kartalkayadakı otel yanğını ilə bağlı sosial şəbəkə hesabında paylaşım edib.
Milli.Az haberler-ə istinadla xəbər verir ki, o, yanğının baş verdiyi otelin yanında xizək sürən insanları sərt şəkildə tənqid edib.
Gökbakar paylaşımında belə deyib: "Yaxınlıqdakı oteldə uşaqlar yanaraq can verib. Heçnə baş verməmiş kimi buzda xizək sürürlər. Siz necə insanlarsınız?!"
Qeyd edək ki, Bolu vilayətində yerləşən Kartalkaya xizək mərkəzindəki oteldə baş verən yanğın nəticəsində 76 nəfər həyatını itirib. Türkiyədə hadisə ilə əlaqədar birgünlük matəm elan edilib.
Milli.Az
