“Grand Kartal” otelində 76 nəfərin ölümü ilə nəticələnən yanğınla bağlı Türkiyənin Bolu şəhərinin bələdiyyə sədrinin müavini və yanğınsöndürmə xidmətinin rəis müavini saxlanılıb.
Bu barədə Türkiyənin ədliyyə naziri Yılmaz Tunç məlumat verib.
“İstintaq çərçivəsində ümumilikdə 11 nəfər, o cümlədən Bolu bələdiyyəsi yanğınsöndürmə idarəsinin sədr müavini, Bolu bələdiyyəsi yanğınsöndürmə idarəsinin müdir müavini, otel sahibi, şirkətin baş direktoru və otel müdiri saxlanılıb.
Bu barədə o, X sosial şəbəkəsindəki hesabında yazıb.
Yanvarın 21-nə keçən gecə Kartalkaya istirahət mərkəzindəki Grand Kartal otelində yanğın baş verib.
Yanğının yayılması nəticəsində ən azı 76 nəfər ölüb .
Türkiyə prezidenti Rəcəb Tayyib Ərdoğan yanvarın 22-ni ölkədə matəm günü elan edib.
DOĞRU.AZ
